PSJ “Bornmut”un müdafiəçisi ilə maraqlanır

“Bornmut”un mərkəz müdafiəçisi İlya Zabarni karyerasını PSJ-də davam etdirə bilər.

90deqiqe.Az-ın “RMC Sport"a istinadən yaydığı məlumata görə, Paris təmsilçisinin idman müşaviri Luiş Kampuş artıq ukraynalının transferi ilə bağlı işlərə başlayıb. O, bazar ertəsi səhər saatlarında “Bornmut” şəhərində olub və 22 yaşlı futbolçunun agenti ilə danışıqlar aparıb.

Ukraynalı müdafiəçi özü də Paris klubuna keçməyə müsbət yanaşır. Lakin İngiltərə təmsilçisi bu keçiddən maksimum qazanc əldə etməyə çalışır.

Zabarni PSJ-də Markinyosun potensial əvəzləyicisi kimi görülür. Qeyd olunur ki, Fransa çempionu İngiltərə Premyer Liqasından başqa bir futbolçunun da transferini nəzərdən keçirir, lakin həmin oyunçunun adı açıqlanmayıb.