Florian Virts "Liverpul"a keçir - danışıqlar yekunlaşmaq üzrədir

Almaniyalı vinger Florian Virts yaxın günlərdə İngiltərənin "Liverpul" klubuna transfer ola bilər.

90deqiqe.Az-ın məlumatına görə, bu barədə Almaniyanın “Bild” nəşri məlumat yayıb.

Mənbənin bildirdiyinə görə, alman oyunçu "qırmızılar"da illik maaşı 20-22 milyon avro arasında olacaq. Klublar arasında danışıqların növbəti mərhələsi bu həftə keçiriləcək və "Liverpul" futbolçunun transferini tezliklə rəsmiləşdirməyi planlaşdırır.

2024/2025 mövsümündə Florian "Bayer"in heyətində 45 oyun keçirib, 16 qol vurub və 15 məhsuldar ötürmə edib. Transfermarkt portalının ekspertləri onun bazar dəyərini 140 milyon avro qiymətləndirirlər. Futbolçunun "əczaçılar"la müqaviləsi 2027-ci ilin iyun ayının sonuna kimi hesablanıb