"Milan" fransız yarımmüdafiəçi ilə güclənmək istəyir

 "Marsel"də çıxış edən mərkəz yarımmüdafiəçisi Adrien Rabionun karyerasını İtaliya A seriyasında davam etdirmək variantı var.

90deqiqe.Az-ın “Todofichajes"ə istinadən yaydığı məlumata görə, 30 yaşlı futbolçu ilə "Milan" maraqlanır. "Rossenerilər" artıq fransalı futbolçunun agenti ilə əlaqə saxlayıb.

Yarımmüdafiəçinin transfer dəyəri 25 milyon avro qiymətləndirilir. Adrienin Provans klubu ilə hazırkı müqaviləsi 2026-cı ilin iyununun sonunda başa çatır.Fransa çempionatının ötən mövsümündə Rabyo "Marsel"in heyətində 29 oyun keçirib. Yarımmüdafiəçi 9 qol vurub və 4 məhsuldar ötürmə edib.