“Bavariya”dan  “Mançester Yunayted”ə

“Bavariya”nın yarımmüdafiəçisi Joao Palinya karyerasını “Mançester Yunayted”də davam etdirə bilər.

90deqiqe.Az-ın “TEAMtalk"a istinadən yaydığı məlumata görə, 29 yaşlı futbolçunun xidmətində "qırmızı şeytanlar" maraqlıdır. İngiltərə klubu artıq futbolçunun agenti ilə əlaqə saxlayıb.

Münhen təmsilçisi də portuqaliyalı futbolçunu satmağa hazırdır və 30 milyon avro məbləğində təklifləri nəzərdən keçirməyə açıqdır. 

Geridə qalan mövsümdə yarımmüdafiəçi bütün turnirlər daxilində 24 matçda iştirak edib, lakin məhsuldar göstərici ilə yadda qalmayıb. Futbolçunun klubla müqaviləsi 2028-ci ilin yayına qədər qüvvədədir. “Transfermarkt” portalının təqdim etdiyi məlumata əsasən, Palinyanın bazar dəyəri 30 milyon avro təşkil edir.