"Vest Hem" Soler və Ferqyusonla yollarını ayırdı

"Vest Hem" yarımmüdafiəçi Karlos Soler və hücumçu Evan Ferqyusonla yollarını ayırıb.

90deqiqe.Az xəbər verir ki, bu barədə klubun rəsmi saytı vasitəsilə məlumat verilib.

Yarımmüdafiəçi Karlos Soler və hücumçu Evan Ferqyuson "çəkiclər"in heyətində icarə əsasında çıxış edirdilər və mövsümün sonunda klubu tərk edirlər.

İspaniyalı yarımmüdafiəçi Fransaya qayıdacaq və yenidən PSJ-nin sıralarına qoşulacaq. Ferqyuson isə İngiltərədə qalacaq. O, fevral ayında "Vest Hem"ə "Brayton"dan icarəyə gəlmişdi.

İrlandiyalı hücumçu başa çatan mövsümdə "Vest Hem"in 8 matçında iştirak edib və qol vura bilməyib. Karlos Soler 33 oyun keçirib, bir qol vurub və bir məhsuldar ötürmə edib.