"Fənərbağça" Sançonu transfer hədəfinə alıb

Türkiyənin “Fənərbağça” klubu yay transfer pəncərəsində “Mançester Yunayted”in hücumçusu Ceydon Sançonu heyətinə qatmağı planlaşdırır.

90deqiqe.Az-ın “Milliyet"ə istinadən yaydığı məlumata görə, “sarı bülbüllər” son mövsümü icarə əsasında “Çelsi”də keçirən Sançonu transfer etmək niyyətindədir. “Çelsi” futbolçunu daimi əsasda saxlamaq istəyirdi, lakin ingilis oyunçunun yüksək maaş tələbi bu planın reallaşmasına mane olub. London klubu 6 milyon avro təzminat ödəyərək Sançonun birdəfəlik transferindən imtina edib.

Qeyd edək ki, Sanço daha əvvəl digər “Qalatasaray”la da transfer əlaqələrində olub. O, ötən mövsüm “Çelsi”nin heyətində bütün turnirlərdə 5 qola imza atıb.