"Betis" onunla müqaviləni uzatdı

"Betis" müdafiəçi Anxel Ortislə yeni uzunmüddətli müqavilə imzalayıb.

90deqiqe.Az-ın klubunun rəsmi saytına istinadən yaydığı məlumata görə, müqavilə 2029-cu ilin iyun ayına kimi nəzərdə tutulub.

Klub 20 yaşlı Ortisi komandadan ayrılaraq Qətərin "Əl-Duhail" klubuna keçən Yusuf Səbalinin potensial əvəzləyicisi kimi nəzərdən keçirir.

Ortis ilk dəfə ötən mövsüm "Betis"in əsas heyətində meydana çıxıb və La Liqada 5 oyun keçirərək, özünü perspektivli müdafiə oyunçusu kimi sübut edib. Betis 2024/25 mövsümünü 60 xal toplayaraq İspaniya çempionatında altıncı yerdə başa vurub. Bundan əlavə, komanda UEFA Konfrans Liqasının finalına çıxıb və burada “Çelsi”yə 1:4 hesabı ilə uduzub.