"Napoli" kamerunlunun satışından imtina edib

"Napoli"nin mərkəz yarımmüdafiəçisi Andre-Frank Zambo-Anguissa "Beşiktaş"a keçə bilməyib.

90deqiqe.Az-ın məlumatına görə, İstanbul klubu 29 yaşlı oyunçu üçün "Napoli"yə 12 milyon avro təklif edib, lakin İtaliya klubu bu təklifi rədd edib."Beşiktaş" futbolçu üçün yaxın günlərdə növbəti təklifini göndərməyə hazırlaşır.

Kamerunlu futbolçu 2022-ci ildən "Napoli"də çıxış edir. Bu mövsüm A Seriyasında və İtaliya Kubokunda 37 oyuna çıxaraq 6 qol vurub, 5 məhsuldar ötürmə edib. Futbolçunun neapollularla müqaviləsi 2027-ci ilin yayına qədərdir. “Transfermarkt” portalı onun dəyərini 27 milyon avro qiymətləndirir.