"Mançester Yunayted" Reşfordu satmaqda çətinlik çəkir

"Mançester Yunayted" hücumçu Markus Reşfordun transferi ilə bağlı çətinliklə üzləşib.

90deqiqe.Az-ın "Manchester Evening News"a istinadən yaydığı məlumata görə, ötən mövsümün ikinci yarısını icarə əsasında "Aston Villa"da keçirən 26 yaşlı futbolçu maaşını azaltmaq niyyətində deyil. Bu isə potensial alıcıların marağını azaldır və onun satışı prosesini çətinləşdirir.

Qeyd edək ki, Reşford hazırda “Mançester Yunayted”in ən yüksək maaş alan futbolçularından biridir.Markus Raşfordun "Mançester Yunayted"dəki maaşı ildə 18 milyon avronu keçir. Hücumçunun ingilis klubu ilə müqaviləsi 2028-ci ilin yayına kimi nəzərdə tutulub.