"Liverpul" 24 yaşlı ingilislə müqavilə bağlamağa yaxındır

"Kristal Pelas"ın müdafiəçisi Mark Quehi tezliklə "Liverpul"un yeni oyunçusu ola bilər.

90deqiqe.Az xəbər verir ki, "Liverpul" rəqiblərini qabaqlamaq və Quehinin transferini tezliklə həyata keçirmək üçün danışıqları sürətləndirməyə çalışır. Klubun müdafiəçi ilə şəxsi müqavilə şərtlərini demək olar ki, razılaşdırdığı, növbəti addımda isə "Kristal Pelas"la anlaşma əldə etməli olduqları bildirilir.

Bu mövsüm, 24 yaşlı Quehi bütün turnirlərdə 44 matçda iştirak edib, 3 qol vurub və 2 məhsuldar ötürmə edib. Transfermarkt portalının ekspertləri isə onun bazar dəyərini 45 milyon avro olaraq qiymətləndirir.