- Transfer
- 14:58 14.12.2025
Səudiyyə Ərəbistanının "Əl-Hilal" klubu "Napoli"nin hücumçusu Viktor Osimhenin transferindən hələ də imtina etməyib.
90deqiqe.az "Goal"a istinadən xəbər verir ki, ərəb klubu 26 yaşlı futbolçu ilə danışıqları yenidən aktivləşdirib və ona möhtəşəm təklif irəli sürüb.
"Əl-Hilal" nigeriyalıya illik 40 milyon avro məvacib təklif edir. Təklif edilən müqavilə üç illikdir və əlavə bir il uzadılma opsiyası da nəzərdə tutulur. Bu təqdirdə, futbolçu ümumilikdə 160 milyon avroya qədər gəlir əldə edə bilər.
Qeyd olunur ki, "Əl-Hilal" Osimhenin hazırkı klubu "Napoli" ilə müqaviləsindəki 75 milyon avroluq transfer bəndini aktivləşdirərək onun transferini reallaşdıra bilər.
Xatırladaq ki, 2024/2025 mövsümündə Viktor Osimhen "Qalatasaray" klubunda icarə əsasında çıxış edib.
