"Sabah"ın rəqibi yeni qapıçı transfer edib

UEFA Avropa Liqasının I təsnifat mərhələsində "Sabah"ın rəqibi olan Sloveniya təmsilçisi "Sele" heyətinə yeni futbolçu cəlb edib.

90deqiqe.Az klubun rəsmi saytına istinadən məlumatına görə, komanda xorvatiyalı qapıçı Simon Sluqa ilə müqavilə imzalayıb. 32 yaşlı təcrübəli qolkiperlə razılaşma 2027-ci ilin yayına qədər qüvvədə olacaq.

Xatırladaq ki, "Sabah" və "Sele" komandaları arasında ilk qarşılaşma iyulun 10-da "Bank Respublika Arena"da baş tutacaq və saat 20:00-da başlayacaq. Cavab oyunu isə iyulun 17-də keçiriləcək və Bakı vaxtı ilə saat 22:00-da start götürəcək.