Kriştiano Ronaldo "Əl-Nəsr"lə müqaviləni uzadıb

Portuqaliyalı hücumçu Kriştiano Ronaldo Səudiyyə Ərəbistanının "Əl-Nəsr" klubu ilə müqaviləsini uzadıb.

90deqiqe.Az klubun rəsmi saytına istinadən məlumatına görə, tərəflər arasında yeni müqavilə 2027-ci ilə qədər qüvvədədir.

Əl-Nəsr ötən mövsüm heç bir kubok qazana bilməyib. Səudiyyə Ərəbistanı çempionatında komanda 70 xal toplayaraq turnir cədvəlində 3-cü yeri tutub. Kriştiano Ronaldo 2023-cü ilin yanvarından Səudiyyə klubunda çıxış edir. Ötən mövsüm Ronaldo "Əl-Nəsr"in heyətində bütün turnirlərdə 35 qol vurub və 4 məhsuldar ötürmə edib.

Bir gün əvvəl, iyunun 25-də Əl-Nəsr italiyalı Stefano Piolinin baş məşqçi postundan getdiyini açıqlamışdı.