Çalhanoğlu “Qalatasaray”a keçid ehtimalı ilə bağlı danışıb

İtaliyanın “İnter” klubunun yarımmüdafiəçisi Hakan Çalhanoğlu “Qalatasaray”a keçid ehtimalı ilə bağlı fikirlərini açıqlayıb.

90deqiqe.Az-ın “Eurosport”a istinadən məlumatına görə, təcrübəli futbolçu İstanbul təmsilçisinə keçməyi ümid etdiyini bildirib.

Çalhanoğlunun İstanbul aeroportunda görüntülənməsi transfer iddialarını daha da gücləndirib.

Ötən mövsümdə 31 yaşlı yarımmüdafiəçi bütün turnirlərdə 47 oyunda iştirak edərək 11 qol vurub və 8 məhsuldar ötürmə edib. Onun “İnter”lə müqaviləsi 2027-ci ilin yayına qədər davam edir. Transfermarkt portalına əsasən, futbolçunun bazar dəyəri 35 milyon avrodur.