Messi “İnter Mayami” ilə yeni müqaviləyə yaxınlaşır

38 yaşlı hücumçu Lionel Messi ABŞ-ın “İnter Mayami” klubu ilə yeni müqaviləyə yaxınlaşır.

90deqiqe.Az-ın məlumatına görə, Səudiyyə Ərəbistanı klublarının ciddi marağına baxmayaraq, argentinalı forvard karyerasını ABŞ-da davam etdirmək niyyətindədir. Hazırkı müqaviləsi 2025-ci ilin sonuna qədər olan Messi ilə yeni razılaşmanın yaxın günlərdə rəsmiləşəcəyi gözlənilir.

Xatırladaq ki, Messi 2023-cü ilin yayında “İnter Mayami”yə keçib. O, karyerası ərzində “Barselona” və “PSJ” kimi nəhəng klubların formasını geyinib. “Barselona” ilə 10 dəfə La Liqa, 7 dəfə İspaniya Kuboku və 4 dəfə UEFA Çempionlar Liqasının qalibi olub.

“PSJ” ilə Fransa çempionu olan Messi, həmçinin Argentina millisinin heyətində 2022-ci ildə dünya çempionluğunu qazanıb.