Renatu Sançeş PSJ-dən ayrılmağa hazırlaşır

Fransanın PSJ klubu yay transfer dönəmində portuqaliyalı yarımmüdafiəçi Renatu Sançeşlə yollarını ayıra bilər.

90deqiqe.Az-ın məlumatına görə, Paris təmsilçisi 27 yaşlı futbolçunun xidmətlərində maraqlı deyil. Keçən mövsümü icarə əsasında “Benfika”da keçirən Sanşeş özü də PSJ-dən ayrılmağa müsbət yanaşır.

Renatu Sanşeş PSJ-yə 2022-ci ildə transfer olunub. O vaxtdan bəri klubun heyətində 27 oyuna çıxıb və 2 qol vurub. Təcrübəli yarımmüdafiəçinin Paris klubu ilə müqaviləsi 2027-ci ilin yayına qədər qüvvədədir.

“Transfermarkt” portalı futbolçunun bazar dəyərini 3 milyon avro olaraq qiymətləndirir.