“Əl-Hilal” fransalı futbolçunun transferini rəsmiləşdirdi

"Milan"dan ayrılan sol cinah müdafiəçisi Teo Hernandes karyerasını Səudiyyə Ərəbistanında davam etdirəcək.

90deqiqe.Az xəbər verir ki, “Əl-Hilal” klubu fransalı futbolçu ilə 2028-ci ilin yayına qədər – 3 illik müqavilə imzalayıb.

Səudiyyə Ərəbistanı təmsilçisi 27 yaşlı futbolçunun keçidi üçün “Milan”a 25 milyon avro təzminat ödəyib. Fransalı futbolçu yeni klubunda 19 nömrəli formanı geyinəcək. Hernandes 3 il içində isə 75 milyon avro qazanacaq.

Qeyd edək ki, Təo Ernandes 2019-cu ilin yayından “Milan”ın formasını geyinirdi. Bu müddət ərzində o, İtaliya təmsilçisinin heyətində 262 rəsmi oyuna çıxıb, 34 qol vurub və 45 məhsuldar ötürmə edib.