"Mançester Yunayted" 18 yaşlı hücumçu transfer edib

"Mançester Yunayted" fransalı gənc hücumçu Enzo Kan Biyikin transferini rəsmiləşdirib.

90deqiqe.Az klubun rəsmi saytına istinadən xəbər verir ki, 18 yaşlı futbolçu ilə 2030-cu ilin yayına qədər müqavilə imzalanıb.

Kan Biyik Fransanın tanınmış futbol akademiyalarından biri olan “Havr”ın yetirməsidir. Lakin gənc hücumçu qarşıdakı 2025/26 mövsümünü İsveçrənin “Lozanna” klubunda icarə əsasında keçirəcək.

Xatırladaq ki, “Mançester Yunayted” ötən mövsüm Premyer Liqada uğursuz çıxış etmiş, 38 turda cəmi 42 xal toplayaraq 15-ci pillədə mövsümə yekun vurmuşdu. Komandaya portuqaliyalı mütəxəssis Ruben Amorim rəhbərlik edirdi.