"Fənərbağça" "Tottenhem"in futbolçusu üçün danışıqlara başlayıb

"Tottenhem"in dayaq yarımmüdafiəçisi İvu Bissuma karyerasını Türkiyədə davam etdirə bilər.

90deqiqe.Az-ın məlumatına görə, "Fənərbağça" artıq 28 yaşlı futbolçunun transferi ilə bağlı London klubu ilə ilkin təmaslara başlayıb.

Baş məşqçi Joze Mourinyonun əsas transfer istəklərindən biri olan malili futbolçu ötən mövsüm "Tottenhem"in heyətində bütün turnirlərdə 44 matçda iştirak edib və 2 qola imza atıb.

Təcrübəli yarımmüdafiəçinin "şporlar"la hazırkı müqaviləsi 2026-cı ilin yayına qədər qüvvədədir. Transfermarkt portalı futbolçunun bazar dəyərini 25 milyon avro olaraq qiymətləndirir.