"Liverpul" Ekitike üçün "Ayntraxt"la danışıqlara başladı

Fransalı hücumçu Uqo Ekitike karyerasını Premyer Liqada davam etdirə bilər.

90deqiqe.Az-ın "The Athletic"ə istinadən yaydığı xəbərə görə, "Liverpul" 23 yaşlı forvardın xidmətində maraqlıdır. Mersisayd təmilçisi futbolçunun transferi ilə bağlı artıq "Ayntraxt" klubu ilə ilkin təmas qurub.

Almaniya təmsilçisinin heyətində 64 oyunda 26 qol vuran Ekitike, həm "Nyukasl", həm də "Liverpul"un maraq dairəsindədir. Transfermarkt portalı onu 75 milyon avro dəyərində qiymətləndirir.

Mersisayd klubu hücum xəttini gücləndirməyə çalışır və Ekitike ilə yanaşı, "Nyukasl"ın isveçli forvardı Aleksander İsak da "Liverpul"un transfer siyahısında yer alır.

Qeyd edək ki, Premyer Liqanın yeni mövsümünün startına cəmi bir ay qalır.