Ramuş karyerasını İtaliyada davam etdirə bilər

İtaliyanın nəhəng klubu "Milan" yay transfer pəncərəsində hücum xəttini gücləndirmək niyyətindədir.

90deqiqe.Az-ın məlumatına görə, klubun əsas hədəflərindən biri Fransanın PSJ komandasının hücumçusu Qonsalu Ramuşdur.

 "Rossoneri" 23 yaşlı forvard üçün 30 milyon avro ödəməyə hazırdır. Hazırda "Milan" rəhbərliyi portuqaliyalının nümayəndələri ilə aktiv danışıqlar aparır.

Qeyd edək ki, Qonsalu Ramuş geridə qalan mövsümdə PSJ-nin heyətində bütün turnirlər üzrə 46 oyuna çıxaraq 19 qol və 6 məhsuldar ötürmə ilə yadda qalıb. Onun Paris klubu ilə mövcud müqaviləsi daha 3 il qüvvədədir.

Transfermarkt portalı Ramuşun bazar dəyərini 40 milyon avro olaraq göstərir.