“Barselona” Dumfriesin transferindən imtina etdi

“İnter”in sağ cinah müdafiəçisi Denzel Dumfries yay transfer dönəmində “Barselona”nın heyətinə qoşulmayacaq.

90deqiqe.Az-ın “CalcioMercato”ya istinadən verdiyi məlumata görə, 29 yaşlı müdafiəçi cəmi 25 milyon avroya transfer oluna bilərdi, lakin Kataloniya təmsilçisi ondan imtina edib.

Məlumata görə, “Barselona” baş məşqçi Flikin  istəyi ilə sağ cinah müdafiəsində əsas etibarı fransalı müdafiəçi Jül Kunde üzərində qurmağı planlaşdırır.

Bundan əvvəl Dumfriesin Kataloniya klubuna keçidini tanınmış agent Jorje Mendeşin fəal şəkildə dəstəklədiyi bildirilirdi. Hazırda Denzel Dumfries “İnter”lə 2027/28 mövsümünün sonunadək qüvvədə olan müqaviləyə malikdir.