“Lids” braziliyalı üçün 30 milyon təklif edib

“Lids” Niderlandın “Feyenoord” klubunun vingeri İqor Payşao üçün 30 milyon avro dəyərində təklif irəli sürüb.

90deqiqe.Az-ın “Sky Sports”a istinadən verdiyi məlumata görə, təklif müxtəlif bonusları da əhatə edir və bu baxımdan, Fransanın “Marsel” klubunun irəli sürdüyü təklifdən daha cəlbedici görünür. “Marsel”lə aparılan danışıqlar isə dalana dirənib, çünki “Feyenoord” 25 yaşlı braziliyalı futbolçunu satmaq niyyətində deyil.

Geridə qalan mövsümdə Payşao klub səviyyəsində 47 oyunda çıxış edərək 18 qol vurub və 19 məhsuldar ötürmə ilə yadda qalıb. Onun “Feyenoord”la mövcud müqaviləsi 2029-cu ilin yayında başa çatır.