Ceydon Sanço "Borussiya"ya qayıdır - 3-cü dəfə

Dortmund "Borussiya" klubu hücumçu Ceydon Sançonun üçüncü dəfə transferi üzərində işlərini davam etdirir.

90deqiqe.Az-ın "Sky Sports News"a istinadən yaydığı məlumata görə, "şmellilər" hələ "Mançester Yunayted"ə rəsmi təklif göndərməyib, lakin müqavilə şərtlərini araşdırırlar.

"Mançester Yunayted" 25 yaşlı futbolçunu satmağı üstün tutur, lakin daha bir icarə variantını da istisna etmir. Bununla belə, "qırmızı şeytanlar" icarə müqaviləsində alqı-satqı opsiyasının daxil edilməsini tələb edirlər.

Keçən mövsüm Sanço "Çelsi"də icarə əsasında çıxış edib, lakin London klubu oyunçunu almaqdan imtina edib. Ceydonun "Mançester Yunayted"lə mövcud müqaviləsi 2026-cı ilin ortalarına qədərdir.