Fernandes “Çelsi”ni PSJ-yə dəyişə bilər

Argentinalı yarımmüdafiəçi Enzo Fernandes “Çelsi” klubundan başqa bir Avropa nəhənginə keçə bilər.

90deqiqe.Az-ın "Fichajes"ə istinadən məlumatına görə, Fransanın “PSJ” komandası futbolçunun transferində maraqlıdır. Klub rəhbərliyi “Çelsi”yə Fernandes üçün 125 milyon avro təklif etməyə hazırdır.

Həmçinin müqavilədə əlavə bonuslar da nəzərdə tutulub ki, onların ödənilməsi halında ümumi məbləğ 150 milyon avroya çatacaq.

24 yaşlı futbolçu “Çelsi” ilə 2032-ci ilin ortalarına qədər müqavilə bağlayıb. Onun transfer bazar dəyəri 75 milyon avro olaraq qiymətləndirilir.