"Mançester Siti" "Real"ın ulduzunu ala bilər

İngiltərə Premyer Liqasının nəhəngi “Mançester Siti” yay transfer pəncərəsi bağlanmazdan əvvəl böyük transfer həyata keçirməyə hazırlaşır.

90deqiqe.Az-ın məlumatına görə, “şəhərlilər” “Real” klubunun hücumçusu Rodriqonu transfer etməyi planlaşdırır.İngiltərə nəhəngi artıq braziliyalı futbolçunun agenti ilə əlaqə saxlayıb.

Rodriqonun alınması “Mançester Siti”də gözlənilən Cek Qriliş, Savio və Ceyms Makeyti kimi oyunçuların komandadan ayrılması səbəbindən aktuallaşıb. 

Baş məşqçi Xosep Qvardiola braziliyalı futbolçunu yüksək qiymətləndirir. “Real” isə 24 yaşlı hücumçu üçün təxminən 100 milyon avro tələb edir və yalnız futbolçunun özü istəsə, transferə razılıq verəcək.