Donnarumma “Çelsi”yə yox, “Mançester Siti”yə gedir?

PSJ-nin qapıçısı Canluici Donnarumma “Çelsi”nin transfer planlarında yer almır.

90deqiqe.Az-ın "The Sun"a istinadən məlumatına görə, londonlular 26 yaşlı qolkiperin keçidini yalnız onun UEFA Superkubokunun iştirak ərizəsinə daxil edilməməsindən sonra nəzərdən keçiriblər. Lakin hazırda bu transferin reallaşma ehtimalı demək olar ki, sıfra bərabərdir.

Böyük ehtimalla, müqaviləsini PSJ ilə uzatmayan Donnarumma karyerasını “Mançester Siti”də davam etdirəcək.

Xatırladaq ki, italiyalı qapıçı Paris klubunda keçirdiyi müddətdə 161 oyuna çıxıb, 156 qol buraxıb və 56 görüşdə qapısını toxunulmaz saxlayıb.