Qarnaço “Çelsi”yə keçməyə hazırdır

“Mançester Yunayted”in vingeri Alexandro Qarnaço karyerasını “Çelsi”də davam etdirməyə yaxındır.

90deqiqe.Az-ın məlumatına görə, argentinalı futbolçu London təmsilçisi ilə şifahi razılıq əldə edib.

21 yaşlı oyunçu digər klublardan aldığı təklifləri rədd edərək, “Çelsi”nin “Mançester Yunayted”lə rəsmi danışıqlara başlamasını gözləyir. Bildirilir ki, London klubu baş məşqçi Enso Mareskinin planlarına daxil olmayan oyunçularla yollarını ayırdıqdan sonra Qarnaço üçün rəsmi təklif göndərəcək.

Qeyd edək ki, Ruben Amorimin rəhbərlik etdiyi “Mançester Yunayted”də Qarnaçonun gələcəyi ilə bağlı planlar yoxdur və klub onu satışa çıxarıb.