“Portu” “Arsenal”ın futbolçusunu transfer etmək istəyir

İngiltərənin “Arsenal” klubunda çıxış edən müdafiəçi Yaku Kivyor karyerasını Portuqaliya Premyer Liqasında davam etdirə bilər.

90deqiqe.Az-ın "Sky Sports"a istinadən məlumatına görə, 25 yaşlı futbolçunun xidmətində “Portu” klubu maraqlıdır. Portuqaliya təmsilçisi polşalını əvvəlcə kirayəyə götürməyi və mövsümün sonunda isə onun hüquqlarını almağı planlaşdırır.

Kivyor ilə “Arsenal” arasındakı müqavilə 2028-ci ilin ortalarına qədərdir. Transfermarkt portalı, polşalı futbolçunun bazar dəyərini 28 milyon avro olaraq qiymətləndirir. Keçən mövsümdə İngiltərə Premyer Liqasında 17 oyuna çıxan Yaku, bir qol vuraraq diqqətləri üzərinə çəkməyi bacarıb.