“Bayer”in hücumçusu İtaliya nəhəngi ilə razılığa gəldi

“Bayer”in hücumçusu Viktor Bonifase İtaliya çempionatının nəhəngi “Milan”a keçidi rəsmiləşmək üzrədir.

90deqiqe.Az-ın "Sky Sports"a istinadən məlumatına görə, klub rəhbərləri arasında aparılan danışıqlar artıq irəliləmiş mərhələdədir, lakin transferin dəqiq şərtləri hələ açıqlanmayıb.

24 yaşlı futbolçu isə artıq “Milan”la şəxsi müqavilə şərtlərini razılaşdırıb.

“Bayer”də Boniface 61 rəsmi oyuna çıxaraq 32 qol vurub və 12 məhsuldar ötürmə edib. “Transfermarkt” portalı Nigeriya millisinin üzvünü 40 milyon avroya qiymətləndirir.

Qeyd edək ki, “Milan” 2025/2026 mövsümündə Avrokuboklarda iştirak etməyəcək.