Bartomudan Neymar açıqlaması: Hər şey bitdi

Barselona'nın prezidenti Xosep Mariya Bartomu PSJ-nin futbolçusu Neymarın keçidinin baş tutmamasını şərh edib.

Corner.az-ın xarici mətbuata istinadən məlumatına görə, o, bunu qarşı tərəfin astronomik məbləğ tələb etməsi ilə əlaqələndirib.

Bartomeu bildirib ki, Fransa klubu braziliyalı futbolçunun keçidi müqabilində 150 milyon avro, həmçinin 3 futbolçu - Jan-Kler Todibo, İvan Rakitiç və Usman Dembelenin icarəyə verilməsini istəyib: "Hər şey bitdi. Biz bütün dünya futbolu üçün gülüş mənbəyi olmaq istəmirik".

Qeyd edək ki, Neymarın PSJ ilə müqavilə müddəti 2022-ci ilə qədərdi.