Rıdvan Yılmaz “Beşiktaş”a qayıtdı

“Beşiktaş” klubu yetirməsi olan Rıdvan Yılmazı yenidən heyətinə qatıb.

90deqiqe.Az klubun rəsmi saytına istinadən xəbər verir ki, İstanbul təmsilçisi 24 yaşlı müdafiəçi ilə 3+1 illik müqavilə imzalanıb.

Qeyd edək ki, Rıdvan Yılmaz “Beşiktaş”ın akademiyasından yetişib və 2022-ci ildə Şotlandiyanın “Reyncers” klubuna transfer olunmuşdu. Sol cinah müdafiəçisi İstanbul nəhəngi ilə keçmiş dövrdə 62 oyuna çıxaraq 4 qol və 7 məhsuldar ötürmə ilə yadda qalmışdı.

Yenidən “Qara qartal” formasını geyinməyə hazırlaşan Rıdvanın bu dəfə əsas heyətdə mühüm rol oynayacağı gözlənilir.