Kante “Əl-İttihad”dan ayrılmağa yaxındır

“Əl-İttihad”ın mərkəz yarımmüdafiəçisi N’Qolo Kante bu yay klubdan ayrılmağa yaxın görünür.

90deqiqe.Az-ın "Foot Mercato"ya istinadən məlumatına görə, Səudiyyə komandası fransalı futbolçunun bu transfer pəncərəsində başqa klubla razılaşmasına icazə verib.

Kantenin agentləri futbolçu üçün yeni komanda axtarır. Onun xidmətləri artıq “Monako”, PSJ və Səudiyyə Ərəbistanından “Əl-Qadisiyya”ya təklif olunub.

Ötən mövsümdə 34 yaşlı yarımmüdafiəçi “Əl-İttihad”da 35 oyuna çıxaraq 4 qol vurub və 4 assist edib. Transfermarkt portalına görə, Kantenin bazar qiyməti 5 milyon avrodur.