Antoni “Mançester Yunayted”i “Betis”ə dəyişdi

“Mançester Yunayted”in cinah oyunçusu Antoni karyerasını İspaniyada davam etdirəcək.

90deqiqe.Az klubun rəsmi saytına istinadən xəbər verir ki, tərəflər futbolçunun daimi transferi üzrə razılığa gəliblər və hazırda təşkilati məsələlər həll olunur.

Qeyd edək ki, ötən mövsümün ikinci yarısında Antoni icarə əsasında “Betis”də çıxış edib. Bu müddət ərzində o, bütün turnirlərdə 26 oyuna çıxaraq 9 qol vurub və 5 məhsuldar ötürmə edib. Transfermarkt portalının məlumatına əsasən, braziliyalı futbolçunun bazar dəyəri 35 milyon avro təşkil edir.

Ötən mövsüm “Betis” La Liqa turnir cədvəlində 6-cı yerə sahib olub.