Dario'ya Kiprdən təklif

Neftçi'nin yarımmüdafiəçisi Dario Frederiko yenidən komandanı tərk edə bilər.

Corner.az-ın Kipr mətbuatına istinadən məlumatına görə, braziliyalı futbolçu Kipr klubunun maraq dairəsindədi.

"Apollon" 28 yaşlı futbolçunu heyətinə qatmaq niyyətindədi. Məlumatda Limassol klubunun "sambaçı" üçün "Neftçi"yə sərfəli təklif göndərəcəyi bildirilib. Həmçinin o da qeyd olunub ki, "flaqman" maddi cəhətdən yaxşı təklif alarsa, Cənubi Koreyadan yenicə qayıdan və 2 illik müqavilə bağlayan Frederikonu yenidən satmağı düşünə bilər.

Kiprdə "transfer pəncərəsi" bağlandığından, "Apollon" onu qış fasiləsində transfer etməyi düşünür.

Qeyd edək ki, ötən yay "Neftçi"yə keçən Dario Frederiko bu ilin ilk 6 ayını "Daequ"da keçirdikdən sonra yenidən "ağ-qaralar"a qayıdıb.