- Transfer
- 19:12 13.12.2025
İranın “Traktor” klubu heyətinə yeni qapıçı qatıb.
90deqiqe.Az klubun rəsmi saytına istinadən xəbər verir ki, Təbriz təmsilçisi 27 yaşlı qolkiper Marko Yohanssonla rəsmi müqavilə imzalayıb.
194 sm boya malik isveçli futbolçu karyerasına vətənində – “Malmö” klubunun akademiyasında start verib. Daha sonra o, Almaniyanın “Hamburq”, “Bohum”, “Hanza” və Braunşveyq “Ayntraxt” komandalarının formasını geyinib.
Qeyd edək ki, Yohansson İsveçin U-15-dən U-21-ə qədər olan müxtəlif yaş qruplarından ibarət yığmalarında çıxış edib.
