Xavi qayıdır!

“Barselona” sabiq çalışdırıcısı Xavi yaxın gələcəkdə məşqçi karyerasına qayıda bilər.

90deqiqe.Az xəbər verir ki, ispan mütəxəssis İngiltərə Premyer Liqasında “Mançester Yunayted”in baş məşqçi postunda Ruben Amorimi əvəzləyə bilər. Bu barədə jurnalist Fabrizio Romano “X” sosial şəbəkəsində (keçmiş Twitter) məlumat paylaşıb.

“Xavi Premyer Liqanı yaxından izləyir, orada baş verənləri öyrənir. O, Avrokuboklarda iştirak etmədən belə dərhal ‘Mançester Yunayted’ə keçməyə hazırdır.”

Qeyd edək ki, hazırda “Mançester Yunayted”in baş məşqçisi Ruben Amorim zəif nəticələr səbəbindən təzyiq altındadır. Ötən həftəsonu “Qırmızı şeytanlar” “Brentford”a 1:3 hesabı ilə məğlub olub. Hazırda klub Premyer Liqa cədvəlində 14-cü pillədə qərarlaşıb.