“Nyukasl” Sandro Tonalini komandada saxlamaq istəyir

İtaliyalı yarımmüdafiəçi Sandro Tonali “Yuventus”un ciddi marağına baxmayaraq, böyük ehtimalla “Nyukasl”da çıxışını davam etdirəcək.

90deqiqe.Az “Football Insider”ə istinadən xəbər verir ki, Turin klubu 25 yaşlı futbolçunu yenidən A Seriyasına qaytarmaq arzusundadır. Lakin “sağsağanlar”ın rəhbərliyi Tonalini saxlamaq və onunla müqaviləni uzatmaq üçün bütün imkanlardan istifadə etməyi planlaşdırır. Artıq futbolçunun agenti ilə də danışıqlara başlayıblar.

Cari mövsümdə Tonali bütün turnirlərdə 9 oyuna çıxıb və 2 məhsuldar ötürmə ilə yadda qalıb. Onun İngiltərə təmsilçisi ilə müqaviləsi 2028-ci ilə qədər qüvvədədir.

Transfermarkt portalının məlumatına əsasən, Sandro Tonalinin bazar dəyəri 75 milyon avro qiymətləndirilir.