“Real”ın prezidenti Florentino Peres transferlərlə bağlı açıqlama verib.
Corner.az İspaniya mətbuatına istinadən xəbər verir ki, Kral klubunun rəhbəri, həyətlərinə cəlb edə bilmədikləri futbolçular haqqında danışıb:
“Bəzi futbolçular var ki, klubları tərəfindən satılmırlar. İllərdi Levandovskini transfer etməyə çalışırıq, amma bu, alınmır. Çünki müqaviləsində satışı ilə bağlı maddə yoxdu, “Bavariya” da onu satmaq istəmir. Eyni məsələ Pol Poqbaya da aiddir. Bunlar satıla biləcək futbolçular deyil, əgər satılmaları mümkün olarsa, onları transfer edəcəyik”.
Peres, “Real”ın hazırkı heyəti ilə bağlı da danışıb: “Hazırda heyətimizdə “qızıl top” mükafatına namizəd göstərilmiş 9 futbolçu var. Komandanın ümumi dəyəri 1,2 milyard avrodu. Ötən mövsüm problem sadəcə, bir nəfərin gedişi deyil, komandanın mentaliteti idi. Bu yay çox önəmli transferlər etdik, Eden Hazard da onlardan biridi”.
