Qehi “Kristal Pelas”ı bu kluba dəyişə bilər

“Kristal Pelas”ın müdafiəçisi Mark Qehi yaxın gələcəkdə klubdan ayrılaraq daha prestijli komandaya keçə bilər.

90deqiqe.Az-ın "Sky Sports"a istinadən məlumatına görə, Qehi ilə “Liverpul” arasında mümkün “centlmen razılaşması” mövcud ola bilər. Müdafiəçi yay transfer pəncərəsinin sonunda Mersisayd klubuna keçə bilərdi, lakin razılaşma alınmadı. 1 yanvardan etibarən Qehi başqa klublarla rəsmi danışıqlar aparmaq imkanına sahib olacaq.

25 yaşlı futbolçu həmçinin “Bavariya”, “Real” və “Barselona” klublarının diqqət mərkəzindədir. Ehtimal olunur ki, Qehi növbəti yay transfer oluna bilər.

2025/2026 mövsümündə Gehi 27 oyunda iştirak edərək 2 qol vurub və 4 məhsuldar ötürmə edib.