“Borussiya”nı Premyer Liqa klubuna dəyişir

“Brayton” klubu Dortmund “Borussiya”sının yarımmüdafiəçisi Paskal Qrossu heyətinə cəlb edib.

90deqiqe.Az-ın məlumatına görə, yeni müqavilənin detalları açıqlanmasa da, tərəflər arasında bütün rəsmi prosedurlar tamamlanıb və futbolçunun transferi artıq həll olunmuş məsələdir. 

2025/2026 mövsümündə Qross bütün turnirlərdə 16 oyunda meydana çıxıb. O, bu görüşlərdə fərqlənməsə də, 2 məhsuldar ötürmə ilə yadda qalıb. Futbolçunun Dortmund klubuyla müqaviləsi 30 iyun 2026-cı ilədək qüvvədə idi.

34 yaşlı yarımmüdafiəçinin transfer dəyəri 3,5 milyon avro olaraq qiymətləndirilir. Qeyd edək ki, Qross 2026-cı ilin yayında azad agent statusu qazana bilərdi. O, Dortmund “Borussiya”sına məhz “Brayton”dan 2024-cü ilin yayında 7 milyon avro qarşılığında transfer olunmuşdu.