"İnter" yeni müdafiəçi ala bilər

"İnter" klubu yaxın zamanda bosniyalı futbolçu Tarik Muxarəmoviçi heyətinə cəlb etməyə çalışacaq.

90deqiqe.Az xəbər verir ki, 22 yaşlı futbolçu Sloveniyada doğulsa da, idman karyerasına Avstriyada başlamış və hazırda "Sassuolo"da oynayır. Lakin Muxarəmoviçin 50% hüquqları "Yuventus"un əlindədir və bu da transferin müzakirə edilməsini vacib edir.

Calciomercato.it saytının məlumatına görə, "İnter" bu transferi yanvar ayında həyata keçirməyə cəhd edəcək, amma daha əlverişli variantın yayda reallaşacağı gözlənilir. Həmçinin, hazırda "İnter" İtaliya çempionatının Seriya A-sında liderlik edir.