"Real Madrid" Kess Smiti transfer etmək istəyir

"Real" klubunun baş sкаutı Yuni Kalafat "AZ Alkmar"ın yarımmüdafiəçisi Kess Smitin gələn yay Madridə keçməyə hazır olduğunu bildirib.

90deqiqe.Az-ın " Defensa Central"a istinadən məlumatına görə, bu məlumat rəhbərliyə çatdırılıb.

Prezident Florentino Peresin "Real" üçün 19 yaşlı futbolçunun transferini həyata keçirməyə qərar verməsi mümkündür. Transferin qiyməti isə 40-45 milyon avro arasında ola bilər, amma "AZ Alkmar" qiyməti artırmamalı və satışdan imtina etməməlidir.

Smit, 2023/24 mövsümündə 27 oyunda iştirak edərək 2 qol və 5 məhsuldar ötürmə ilə diqqət çəkib. Hal-hazırda "AZ Alkmar" ilə müqaviləsi 2028-ci ilə qədərdir və Transfermarkt portalı onun bazar qiymətini 22 milyon avro olaraq qiymətləndirir.