"Tottenhem"in keçmiş qapıçısı bu klubla müqavilə imzaladı

"Tottenhem"in keçmiş qapıçısı Freyzer Forster İngiltərənin "Bornmut" klubu ilə müqavilə imzalayıb.

90deqiqe.Az klubun rəsmi saytına istinadən xəbər verir ki,  tərəflər arasında imzalanan müqavilə altı aylıqdır. Bu, "Bornmut"un 2026-cı ilin ilk transferi olub.

Forster, müqaviləni imzaladıqdan sonra: "Mən çox şadam. Hər şey çox sürətlə baş verdi, amma burada olduğum üçün xoşbəxtəm. Komandaya kömək etmək və hər hansı bir şəkildə töhfə vermək fürsətini səbirsizliklə gözləyirəm," - deyə bildirib.

2022-2025-ci illər arasında Forster "Tottenhem"da çıxış edib, lakin keçən mövsümün sonunda komandadan ayrılıb. Son altı ayda isə qapıçı sərbəst agent olub.