"Yuventus" "Liverpul"un oyunçusu üçün danışıqlara başlayıb

 “Liverpul”un vinqeri Federiko Kyesa karyerasını “Yuventus”da davam etdirə bilər.

90deqiqe.Az-ın məlumatına görə, Turin təmsilçisi italiyalı futbolçu ilə bağlı rəsmi təklifini Mersisayd klubuna göndərib.

İtaliya klubu yanvar transfer pəncərəsində bir vinqer almağı planlaşdırır. Proses hələ erkən mərhələdədir, qərar isə “Liverpul” klubuna və özünə məxsus olan oyunçuya qalır.

28 yaşlı hücumçu Transfermarkt portalında 18 milyon avro dəyərində qiymətləndirilir. Onun “Liverpul”la müqaviləsi 2028-ci ilin yayına qədər qüvvədədir. Xatırladaq ki, Kyesa əvvəllər məhz “Yuventus”un şərəfini qorumuşdu.