"Çelsi" "Bavariya"nın müdafiəçisi ilə maraqlanır

“Bavariya”nın mərkəz müdafiəçisi Kim Min-Ce qarşıdakı yay transfer pəncərəsində klubu tərk edə bilər.

90deqiqe.Az-ın məlumatına görə, Münhen təmsilçisinin rəhbərliyi futbolçunun satışında israr etmir, lakin cənubi koreyalı müdafiəçi özü transfer istəsə, onun gedişinə mane olmayacaq. Kim Min-Ce “Çelsi” klubunun maraq dairəsinə düşüb, eyni zamanda digər namizədlər də mövcuddur. London klubu artıq futbolçunun agenti ilə danışıqlara başlayıb.

Futbolçunun gələcəyi ilə bağlı şəxsi planları hələlik açıqlanmayıb. 29 yaşlı müdafiəçinin “Bavariya” ilə mövcud müqaviləsi 2028-ci ilin ortalarına qədər qüvvədədir. Transfermarkt portalının ekspertlərinin qiymətləndirməsinə əsasən, onun transfer dəyəri 25 milyon avro təşkil edir.