“İnter”i “Liverpul”a dəyişir

“İnter”in müdafiəçisi Denzel Dümfris karyerasını İngiltərə Premyer Liqasında davam etdirə bilər.

90deqiqe.Az xəbər verir ki, 29 yaşlı futbolçu ilə “Liverpul” maraqlanır. Klub artıq Dümfrisin nümayəndələri ilə potensial transferi müzakirə edib.

Mənbə bildirir ki, “İnter” müdafiəçisini 25 milyon avro qarşılığında satışa çıxarmağa hazırdır. Dümfris 2021-ci ildən “İnter”də çıxış edir. Cari mövsümdə o, 11 Seriya A matçında 1 qol vurub və Çempionlar Liqasının 4 oyununda 2 qol edib. Futbolçunun müqaviləsi 2028-ci ilin ortalarına qədərdir və bazar qiyməti 25 milyon avro olaraq qiymətləndirilir.