Benzema Avropa və ya MLS arasında seçim edir

Səudiyyə Ərəbistanının “Əl-İttihad” klubunun hücumçusu Kərim Benzema komandadan ayrılmaq fikrindədir.

90deqiqe.Az-ın "ESPN"ə istinadən məlumata görə, 38 yaşlı futbolçu ya Avropaya qayıtmağı, ya da ABŞ-ın MLS liqasında oynamağı nəzərdən keçirir. Benzemanın “Əl-İttihad” ilə mövcud müqaviləsi gələn yay başa çatacaq və o, yeni müqavilə imzalamağı düşünmür.

Əvvəllər fransız futbolçu müqavilə uzatma təklifini layiqsiz hesab edərək meydana çıxmaqdan imtina etmişdi.

Cari mövsümdə Benzema bütün turnirlər üzrə 21 oyunda iştirak edib və 16 qol vurub. Hazırda 18 turun sonunda “Əl-İttihad” Səudiyyə Pro-liqasının turnir cədvəlində 31 xalla 6-cı yerdə qərarlaşıb.