PSJ Vitinyanın gələcəyi ilə bağlı qərar verib

PSJ-nin yarımmüdafiəçisi Vitinya karyerasını “Real”da davam etdirə bilər.

90deqiqe.Az xəbər verir ki, Madrid klubu portuqaliyalı futbolçu ilə maraqlanır. “Real” artıq futbolçunun agenti ilə danışıqlara başlayıb. Paris klubunun baş məşqçisi Luis Enrike və rəhbərlik futbolçunu “toxunulmaz” oyunçu hesab edir və bununla bağlı gələn təklifləri qəbul etməyəcək.

Vitinya isə həm Parisdəki həyatından, həm də PSJ layihəsindən razıdır və hazırda komandadan ayrılmağı düşünmür.

Qeyd edək ki, Vitinya 2022-ci ildə “Portu”dan PSJ-yə 41 milyon avroya transfer olunub. Onun müqaviləsi 30 iyun 2029-cu ilə qədər nəzərdə tutulub. Cari mövsümdə yarımmüdafiəçi Paris klubunun heyətində bütün turnirlərdə 30 oyuna çıxıb, 6 qol vurub və 10 məhsuldar ötürmə ilə yadda qalıb.