Benzema “Əl-Hilal”la müqavilə imzaladı

Səudiyyə Ərəbistanının “Əl-Hilal” klubu hücumçu Kərim Benzema ilə müqavilə bağlayıb.

90deqiqe.Az xəbər verir ki, bu barədə insayder Yağız Sabuncuoğlu “X” sosial şəbəkəsində (keçmiş Twitter) məlumat paylaşıb.

O fransalı futbolçunun yeni klubu ilə 1,5 illik razılaşma əldə olunduğunu qeyd edib.

Qeyd edək ki, əvvəlcə Benzema Səudiyyə Ərəbistanı çempionatında “Əl-İttihad”la matçda meydana çıxmaqdan imtina etmişdi. Futbolçu təklif olunan müqavilədən narazı qalmış və Avropaya qayıtmaq variantını nəzərdən keçirmişdi.

Eyni zamanda mediada yayılan xəbərlərə görə, “Əl-Nəsr”in hücumçusu Kriştiano Ronaldo Benzemanın “Əl-İttihad”dan “Əl-Hilal”a keçməsinə qarşı çıxıb. Xatırladaq ki, Səudiyyə Ərəbistanının Dövlət İnvestisiya Fondu ölkənin “Əl-Nəsr”, “Əl-İttihad”, “Əl-Hilal” və “Əl-Əhli” klublarına sahibdir.